الرئيسية
ريح عقلك
محمد ضباشه
ريح عقلك قبل ما يتعب
من مشاكل الدنيا وبلاويها
مه بقاله سنين بيفكر
وبفكرة ايه عدل فيها
نايم صاحى ايه راح يفرق
فى ايام مكتوبه نقضيها
وياما شوفنا معاها مأسى
وننطاطى لجل نعديها
ودماغنا تاهت أفكارها
مش لاقى حل يرضيها
بنطبطب على يومنا يعدى
ويا ريته راضى يخليها
ترضى علينا حتى فى ساعة
وننسى مأسى لياليها
لكن هى عنيده معانا
ومهما بتعمل بنرجع ليها
ومشاكل وهموم وأحزان
خلتنا شبه بعضينا
همى وهمك يملى الكون
وجه النحس سكن نواحينا
ويا ريتنا قادرين ولا حتى
عارفين نمسكها بأيدينا
كنا قتلنا الحته القاسيه
اللى خلتنا فى يومنا بكينا
ريح عقلك وياله ننام
يمكن أحلامنا تورينا
اللى ما خدناه من دنيتنا
مع أنه موجود حولينا
وخلانا عايشين فى سكات
وخايفين على ولادنا بعدينا
بس يا خوفى يكون الحلم
زى العلم مش حاسس بينا
ويتقلب بكابوس ملعون
طول الليل بيعذب فينا
ريح عقلك أيه هيفيد
اللى بعقله طق ومات
طول الليل عمال يحسبها
لما عمره عدى وفات
وبعد مسائل جمع وضرب
وقسمة لاقى ديونه بالألوفات
وهو يا حسرة عايش مسكين
فى قوضه جنب الاموات
طب قولى زعلان من أيه
وأحكيلى وفضفض ويايا
يمكن همك يوم ينساك
ويجيلى مع اللى معايا
تعرف صاحبى انا نفسىفى ايه
أنسى أحزانى وأسايا
زى اللى اتعلمته زمان
فى الجامعة وكان كل منايا
القى وظيفة وكرسى علشانى
وألقى الفرحة واقفة ورايا
أسمعنى وأعقلها معايا
فوق يا أبو عزه وصحى النوم
وكتر خير اللى ماسكينها
علشانا عايشين فى هموم
بس معاهم اللى يكفى
واحنا يا ريت بنكفى اليوم
همة فى راحة وبال مرتاح
واحنا سمانا مطرها غيوم
همة ولاد البطة البيضا
وأحنا ابونا كان مرسوم
على حته ورقة بنضارة
قاعد وأمى جنب الكوم
وحصيرة وقلة ورغفين
وتجارته فى شويه توم
وأمى عنيها ملاها الحزن
وصراخها خارج مكتوم
بعنينا كنا بنسمعها
وكان نفسى تلقانى فى يوم
راجل ملو هدومى صحيح
وأخليها فى الخير بتعوم
ما أنا فاهم وهنعمل ايه
ويا ريتنا بأيدينا نغيرها
كنا غسلنا همومها بميه
شالت منها كل مرارها
لكن ده مكتوب ويقين
نفتح بابها ونسكن دارها
وصدقنى احنا الوحشين
وهى راضيه بقدرها
» نماذج توقيع للأعضاء
» نهارك سعيد ( منتدى جديد )
» بشرى عظيمة لأعضاء المنتدى
» خايف تاخدك الأيام
» أول مكتوب
» صور كلبة اخر شياكة
» باقى منى ايه ؟
» ترحيب بالعضوة manon