ايه أجمل من كدا

أيه أجمل من كدا
كلمات : محمد ضباشه

أيه أجمل من دى نظرة
خارجة بحب وحنين
وجايه على قلبى تجرى
تنسيه تعب السنين
أيه أجمل من كدا
وهى حبى ومنايا
بنظرة واحده منها
سكنت قلبى معايا
وتقولى يا روحى انت
انت ولا حد تانى
ترقص قلبى عنيك
لما بشوفك ثوانى
وتفضحنى نظرات عيونى
بكلام كان على الشفايف
ما قدرت فى يوم اقوله
وكنت على قلبى خايف
من الحب ومن اهاته
ومن سهر الليالى
لكن جربت احبك
وقلبك صحى وندالى
وعيونى خدت الكلام
وبنظرة فى ثانيتين
والشاطر بس يفهم
معناها ورايحة فين
مكتوب فى العين بحبك
وأنت دايما فى بالى
فارس راكب حصانه
رسمه قلبى فى خيالى