ألوهات ..... تليفونات

ألوووو ...... تليفونات
شعر : محمد ضباشه

شبابنا بقى أخر روشنه
وعشقوا خلاص التليفونات
ما هم لا شغله ولا مشغله
وهات تسالى ويا البنات
وأن خلص الرصيد معاهم
يبقى التواصل بالاشارات
تعالوا نشوف أيه الحكايه
وايه حكاية الرنات
صباح الخير برنة
والرنتين سلامات
وتلاته كلمنى شكرا
واربعة فيها ايماءات
يا اما قابلنى حالا
انا منتظر على الشات
أو النت فاصل
ياله على المسجات
ورسايل وكلام قبيح
الادب جواها مات
مره تثير الغرائز
وفى التانيه المشكلات
وممكن تخرب بيوت
وتزود فى الخلافات
والكاميرا ساعات بتلقط
مناظر من سكات
يمسكوها ذله مرة
ويلوا بيها دراعات
والشك فيها يصحى
من غير اى حسابات
والغيره تزيد لهيبها
فى قلوب الستات
والسبب مكالمة طايشه
علشان يقولوا سلامات
ولا علشان يعاكسوا
او يفبركوا أشاعات
بقت الحكايه سلطة
واحنا عجبنا السكات
ونمسك تليفون فى أيدنا
علشان نقول الووووهات